كرنبه كبيرة الحجم
4 كوب ارز - حزمتين صغيرين بقدونس - حزمتين كبار كسبره (الكسبره الخضرا هي اللي بتعطي الطعم لمحشي الكرنب فكل ما زادت كل ما كان اطعم) - حزمه كبيره شبت - بصله كبيره - معلقه صغيره كمون - نص معلقه بهار مشكل - 2 معلقه كبيره سمنه بلدي او زبده بلدي - معلقتين كبار زيت ذره - عصير 5 طماطم كبيره - معلقتين معجون طماطم او صلصه
تجهيز الكرنبه وسلق الورق
[ندعوك للتسجيل في المنتدى أو التعريف بنفسك لمعاينة هذه الصورة]بيتسلق ورق الكرنب في ميه فيها معلقة سكر لكى تذهب رائحة السلق الكريهه<< اضافتهم مهمه لمية السلق
بيتسلق ورقه ورقه بعد ما تفصليه بالراحه علشان مش يتقطع ولو الكرنبه صغيره في الحجم ممكن تضعيها دقايق في الميه المغليه وطلعيها وهيكون سهل فصل الورق بدون ما يتقطع
ومجرد ما تطرى الورقه طلعيها من الميه على طول علشان مش تتهري وصفيها على المصفاه
=============
تجهيز الحشوه[ندعوك للتسجيل في المنتدى أو التعريف بنفسك لمعاينة هذه الصورة]تفرم البصله ويحمر جزء منها في خليط من السمنه او الزبده البلدي مع زيت ذره لحد ما تصفر
[ندعوك للتسجيل في المنتدى أو التعريف بنفسك لمعاينة هذه الصورة]وبعدين يضاف عصير الطماطم ومعلقتين صلصه كبار وسيبيها تتسبك وتنشف من الميه
[ندعوك للتسجيل في المنتدى أو التعريف بنفسك لمعاينة هذه الصورة]يضاف على الارز الكمون والبهارات .. وباقي البصله النيه
[ندعوك للتسجيل في المنتدى أو التعريف بنفسك لمعاينة هذه الصورة]اول ما الصلصه تتسبك يضاف لها الارز
[ندعوك للتسجيل في المنتدى أو التعريف بنفسك لمعاينة هذه الصورة]ثم يضاف على الارز بالصلصه.. الكسبره والبقدونس والشبت المقطعين ويضبط الملح
وبكده الخلطه تكون جهزت الحمدلله
=============
تقطيع الورقيقطع بالسكينه العرق السميك اللي في الورقه
[ندعوك للتسجيل في المنتدى أو التعريف بنفسك لمعاينة هذه الصورة]وبعدين تلف الورقه اسطوانه حول بعضها وتقطع لنصفين بالعرض او لثلاثة اجزاء حسب حجم الورقه
[ندعوك للتسجيل في المنتدى أو التعريف بنفسك لمعاينة هذه الصورة]فلما هتتفك الورقه هيطلع معاكي شرايط من ورقة الكرنب
[ندعوك للتسجيل في المنتدى أو التعريف بنفسك لمعاينة هذه الصورة]يقطع الشريط لقطع بعرض مناسب بحيث هينتج عندك قطع صغيره مستطيله
[ندعوك للتسجيل في المنتدى أو التعريف بنفسك لمعاينة هذه الصورة]يوضع على كل قطعه معلقه صغيره من الحشو .. وتلف الورقه عليه (لاحظي العروق اللي في الورقه اتجاهها عكس اتجاه اللف .. علشان تتلف معاكي بسهوله وتمسك على الحشو)
[ندعوك للتسجيل في المنتدى أو التعريف بنفسك لمعاينة هذه الصورة]ويرصوا في الحله متلاصقين جنب بعض
ومش هيفك ابدا باذن الله
[ندعوك للتسجيل في المنتدى أو التعريف بنفسك لمعاينة هذه الصورة]يسقى المحشي بمرقة فراخ .. و البط افضل (4 كوبايات او 3 ونص)
يترك على النار لحد ما تغلي المرقه وبعدين يهدي النار وتتغطي الحله وتتساب لحد ما يستوي
في الاخر خالص بعد ما يستوي المحشي:
يتعمل تقليه عباره عن
يحمر ثوم مفروم في قطعة زبده بلدي ويضاف له كسبره ناشفه ولما يصفر الثوم .. يضاف على وش حلة المحشي ويطفي النار
ويتغرف سخنواستمتعوا بأحلى محشي كرنب
وده شكله النهائي
[ندعوك للتسجيل في المنتدى أو التعريف بنفسك لمعاينة هذه الصورة]بالهنا والشفا
[ندعوك للتسجيل في المنتدى أو التعريف بنفسك لمعاينة هذه الصورة]لا تسوني من صالح دعائكم